OPORTUNIDADES

• os nosos obxectivos e contexto xeral de acción están en consonancia co marco da axenda de políticas culturais europeas ata o 2020 (diversidade cultural/local, cultura no sistema educativo, ferramentas cooperativas d interlocución co mercado, arte/ciencia/educación/tecnoloxía / filosofía, flexibilidade da propiedade intelectual, proxectos de intercooperación/mediación, tecnoloxía dixital).

• posibilidade de desenvolver e consolidar polo de agora pequenas redes de colaboracións. Rede de contactos no Alg-a Lab, Amalgama, Cova dos Ratos, Baleiro, Atreu, Universidade Invisíbel.

• progresiva dixitalización das ferramentas de comunicación social (web 2.0 e redes sociais).

• alza de valores como sostenibilidade, desenvolvemento sociocomunitario, permacultura, diversidade, etc. que desenvolvemos por exemplo no Alg-a Lab

• inexistencia de centros de experimentación cultural tecnolóxico/artísticos en Galiza. Ex. Hangar, MediaLab Prado…

• emerxencia dun campo entre o académico e o informal no que institucións e universidades botan man de axentes externos para desenvolver programas, talleres, etc.

• experiencias existentes na introdución do p2p á tecnoloxía social (platoniq etc. ) e sistemas de finaciamento diferente e distribuido.

• aproveitar a redución nos presupostos institucionais das partidas adicadas á cultura para ofrecer unha oferta de producións experimentais de baixo custe, non dependente das grandes cifras da cultura espectacular e máis acorde cos ritmos lentos e a cultura de baixa intensidade que practicamos de maneira habitual.

FORTALEZAS

• existencia no grupo promotor de perfís provintes tanto da xestión como da produción.

• pertenza das participantes do grupo promotor a diferentes grupos que levan a súa vez aparellados diferentes redes. Polo tanto gran capacidade de difusión nestas redes.

• capacidade de enfoques transdisciplinares (tecnoloxía, arte, arquitectura, ecoloxía, antropoloxía).

• todas as participantes contan con respectivas experiencias previas nas ofertas do proxecto.

• unha rede de espazos onde facer actividades a nosa disposición dende Coruña – Compostela – Vigo.

• participación activa na rede de cultura libre: coñecemos os recursos e somos interlocutores de feito da cultura 2.0.

• proxección pedagóxica e formativa das nosas experiencias artísticas incluso en ámbitos académicos (paseo sonoro, análise simbólico/antropolóxico).

• capacidade de xerar espazos de convivencia e relación sociocomunitaria nos diferentes nodos.

DEBILIDADES

• dispersión territorial das compoñentes de GZi para os encontros presenciais.

• precariedade e diversificación laboral xeralizada das compoñentes de GZi (dificultade de adicación continuada ao proxecto).

• certa marxinalidade con respecto aos procesos de financiación públicos e burocráticos.

• contabilidade, fiscalización e facturación da nosa produción.

• visibilidade e impacto reducidos a nivel macro e dos mass media, opinión pública e medios de comunicación convencionais. Pouca capacidade de afección na opinión pública. Marxinación/desconexión co “aparato mediático” tradicional (tv, prensa, radio, etc).

• dificultade para saír do ámbito territorial GZ.

• hábito e tendencia a facer depender a cultura de recursos públicos e pouca iniciativa privada.

• carácter improductivo das nosas actividades nun contexto de crise.

AMEAZAS

• progresiva desvalorización da cultura como creación e substitución por unha cultura de consumo

• desequilibrio na oferta de recursos a prol das iniciativas convencionais e xa establecidas.

• empobrecemento xeral da poboación.

• carácter improductivo das nosas actividades nun contexto de crise.

• recortes e disminucións de recursos públicos destinados á creación cultural (proceso paralelo á paulatina perda de poder da administración pública en favor do mercado).

• criterios de financiación pública ainda baseados en lóxicas expositivas de masificación e visibilidade mediática, lóxicas as veces incompatíbes cos criterios de sostibilidade cultural e social que se plantexan en GZi.