Servizos:¶

Refírese ás partes do ciclo de produción dun proxecto que os usuarios (ou clientes) derivan á cooperativa. Podemos pensar que, de maneira xeral, GZi pode resolver os problemas dos seus socios para completar (e así rentabilizar) ese ciclo de produción. Tódolos servizos poderíanse prestar en tres modalidades diferentes, segundo o problema a resolver ou as necesidades do socio. Un usuario pode querer ‘aprender’ a resolver ese problema por sí mesmo (gzi ofrécelle ‘formación’), contar cun equipo que o axude ou asesore nunha ou varias partes do seu proxecto (‘asesoramento/acompañamento’), ou ben externalizar todo o proceso de produción a gzi, sempre que o proxecto en cuestión se integre nunha das liñas de investigación de gzi ou xere unha nova liña de investigación. Penso que deberíamos redactar protocolos stándar para cada modalidade, que servisen de maneira xeral para calquera tipo de proxecto. Nos protocolos tentaríamos subdividir á súa vez as modalidades en formatos e estimar os recursos humanos necesarios, os tempos, etc.

Por outra banda, os servizos pódense dividir segundo o tipo de recursos que implican (recursos humanos ou recursos materiais), co fin de avaliar mellor o custe que suporía ofrecer ese servizo e as ‘tarifas’ que se marcarían para socios ou clientes externos. Por suposto, hai que determinar qué servizos poden ser prestados a través de intercambios de coñecementos entre socios, ou pola contratación a un terceiro, etc.

Usuarios:¶

Divididos básicamente en socios (con poder político: usuarios, traballadores e colaboradores) e clientes (sen poder político). Está por definir isto en profundidade, aínda que o outro día xa avanzamos que evitaríamos nun primeiro momento aos socios traballodores (alto custe) e buscaríamos máis os convenios ou contratos puntuais. Concordo con Manu en que debemos pensar nos posibles devires: “cómo un cliente pode devir colaboradora, como unha colaboradora pode devir usuaria, ou unha usuaria devir traballadora”. Xa comentamos nalgún momento que esa debe ser a tendencia a buscar.

arquitectura conceptual¶

evitamos a palabra estrutura. Como visión global, gústame esa articulación en anverso/reverso (canle de negociación / canle de produción), pero non creo que sexa operativa para calcular costes, que é o que precisamos agora. De feito, vese a contradición en canto se intentan crear subdivisións ou afondar na descripción do que supón a negociación ou a produción.

liñas de investigación¶

non apuntei ningunha aínda que se mencionaron varias. Coido que iso debemos redactalo con tempo; se son suficientemente abertas, poden incluir moitas posibilidades e combinacións. Ademáis non inflúen directamente no plan de viabilidade.