Create Page

A I Feira Imaxinaria Contemporánea xorde como evento que reúne diferentes proxectos culturais nun espacio de encontro e desenvolvemento: o Alg-a Lab de Valadares, os días do 2 ao 5 de setembro 2010. A Feira proponse como microplataforma de produción/consumo cultural, na que se destaca o carácter independente e contemporáneo da creación.

A Feira ofrece un modelo de autoxestión no que as diferentes asociacións, creadorxs independentes e interesadxs en xeral poden desenvolver o seu traballo. É o resultado dun proceso de decisión e inversión cooperativa dxs participantes na procura de solventar as condicións precarias nas que se atopan.

A Feira pretende atravesar a fisura que separa a Teoría do Espectáculo e así ofrecer un marco no que ambas dimensións se atopen e se involucren mutuamente. Quizais o máis interesante é cómo a partir de aí, o tema da autoxestión xorde case por si só, espontaneamente, ao pór a teoría ao mesmo nivel que o espectáculo: o espectador vese na obriga de ser activo, ao tempo que o artista expositivo, implicativo, solidario e responsábel de crear artefactos abertos, sobre os que se poida pensar, facer, interactuar, posicionarse…

alg-a lab
21 Members